ރިޔާސީ ނިޒާމު ފާސްކޮށްފިނަމަ ރައްޔިތުންގެ މަޖިލީހުގައި ވަޒީރުންނާއި ސުވާލުކުރުން ބަންދުވާނެ!
ލިޔުނީ:މޫސަ
ަ
ޓީވީ މޯލްޑިވްސްއިން ފޮނުވާ ‘ ދިހައަކުން އެގާރައަށް’ ޕްރޮގްރާމުގައި ކުއްޓި ނަޝީދާއި ސުވާލު ކުރެވުނީ “ކިތަންމެ ރީތި ވާހަކަ ދެއްކެވިޔަސް މައުމޫނު ވިދާޅުވާ ގޮތް ނޫންގޮތަކަށް ޢަމަލެއް ނުކުރެއްވޭނެ ދެއްތޯއެވެ؟” ކުއްޓި ނަޝީދުގެ ޖަވާބަކީ “ތިވިދާޅުވާ މައުމޫނަކީ ދިވެހިރާއްޖޭގެ އާބާދީގެ ބޮޑު އަޣުލަބިއްޔަތަކުން އިންތިޚާބުވެފައިވާ މިދިވެހި ޤައުމުގެ ދައުލަތުގެ އެންމެ އިސްވެރިޔާ، ދިވެހި ސަރުކާރުގެ އެންމެ އިސްވެރިޔާ، އަޅުގަނޑަކީ އޭނާގެ ސަރުކާރުގެ މެންބަރެއް، އޭނާގެ މިނިސްޓަރ އޮފް އިންފޮމޭޝަން، އޭނަގެ ވަޒީރުންގެ މަޖިލީހުގެ މެންބަރެއް، ތޮބީޢީކަމެއް ދިވެހި ދައުލަތުގެ އެންމެ އިސްވެރިޔާ ނުވަތަ ދިވެހި ސަރުކާރުގެ އެންމެ އިސްވެރިޔާ ވިދާޅުވާ އުސޫލްތަކެއްގެމަތިންކަން އޭނަގެ ވަޒީރަކު އަމަލުކުރާނީ، އެއީހަމަ އެކަން ވާންވެސްވާނެ ގޮތް” މިއެވެ. މިއީ ނުރައްކާތެރިވާހަކައެކެވެ. ރިޔާސީ ނިޒާމެއްގައި އަދި އަމުދުން ވަޒީރުން ރައީސުލްޖުމްހޫރިއްޔާ ނޫން ފަރާތަކަށް ޖަވާބުދާރީވާކަށް ނުޖެހޭނެއެވެ. މިއީ ވަރަށް ކަންބޮޑު ވާންޖެހޭ ކަމެކެވެ.
25 ޖޫން 2007ގައި އޮތް ރައްޔިތުންގެ ޚާއްސަ މަޖިލީހުގެ 155 ވަނަ ޖަލްސާގައި ފާސްކުރައްވާފައިވާ ރިޔާސީ ނިޒާމާ ބެހޭ މަޢުލޫމާތު ކަރުދާހުގެ 9 ވަނަ ޕޮއިންޓް ވަރަށް ފަރުވާތެރިކަމާއެކު ވިދާޅުވާށެވެ. 9-ވަޒީރުން ޖަވާބުދާރީވާނީ ‘ހަމައެކަނި’ރައީސުލްޖުމްހޫރިއްޔާއަށެވެ. މީގެ އިތުރުން، އެވަޒީރަކު ޙަވާލުވެ ހުންނަ ވުޒާރާއާގުޅޭ ރައްޔިތުންގެ މަޖިލީހުގެ ކޮމެޓީއަކަށް، އެ ކޮމެޓީގެ ރަސްމީ ޖަލްސާއެއްގައި ވަޒީރުންނާއި ސުވާލުކުރުމުގެ އިޚްތިޔާރު ކޮމެޓީއަށް ލިބިގެންވެއެވެ.
މިއީ ވަރަށް ކަންބޮޑުވާން ޖެހޭ މައްސަލައެކެވެ. މީގައި މިއޮތްގޮތުން ރައްޔިތުންގެ މަޖިލީހުގެ ޖަލްސާތަކުގައި ވަޒީރުންނާއި ސުވާލުކުރުމުގެ ފުރުސަތު މުޅިން ބަންދުވީއެވެ. އަދި ވަޒީރުން ޖަވާބުދިނުމުގައި ފަރުވާކުޑަކޮށް ބައެއްފަހަރު ޖަވާބުނުދިން ކަމުގައި ވިޔަސް މިހާރު މިއޮތް “މައުމޫނިޒަމް” ގައި ވެސް ވަޒީރުންނާއި އެބަ ސުވާލުކުރެވެއެވެ. ރައްޔިތުންގެ މަޖިލީހުގެ ކޮންމެ ޖަލްސާއެއްގައި ވަޒީރުންނާއި ސުވާލުކުރުމަށް ބައިގަޑިއެއްހާއިރު އެބައޮވެއެވެ. ރައްޔިތުން ޝައުގުވެރިކަމާއެކު ވަޒީރުންނާ ސުވާލުކުރުމުގެ ވަގުތުކޮޅު އެބަ ބަލަމުންދެއެވެ. އޭގެ ސަބަބުން ރައްޔިތުންނަށް ސަރުކާރުގެ ދެފުށްދެގޮތް ސިޔާސަތު ހާމަވުމުގެ އިތުރަށް ވަޒީރުންވެސް ސައިޒަށް ކެނޑެމުންދެއެވެ. ސަރުކާރުން ކުރަމުން އަންނަ ކަންކަން ރައްޔިތުން އެދޭ ގޮތަށް ބަދަލުކުރަން އެބަ މަޖުބޫރުވެއެވެ. ވަޒީރުންނާ ސުވާލުކުރުމަކީ މުހިއްމު ކަމަކަށް ވާއިރު، ބުނެވިދިޔަ ރިޔާސީ ނިޒާމާ ބެހޭ ލިޔުމުގެ 9 ވަނަ ޕޮއިންޓް އެހެން އޮތް ހިނދު، ދިވެހި ރައްޔިތުންގެ ތެރެއިން ރިޔާސީ ނިޒާމަށްދެވޭ ކޮންމެ ވޯޓަކީ ރައްޔިތުންގެ މަޖިލީހުގައި ވަޒީރުންނާއި ސުވާލުކުރަން ނުފެންނަކަމަށް ދެވޭ ވޯޓެކެވެ
.
.ދެން ބަރުލަމާނީ ނިޒާމާ ބެހޭ މަޢުލޫމާތު ކަރުދާހުގެ 14 ވަނަ ޕޮއިންޓް ވަރަށް ފަރުވާތެރިކަމާއެކު ވިދާޅުވާށެވެ. 14- (ހ) ބޮޑުވަޒީރާއި ވަޒީރުން ރައްޔިތުންގެ މަޖިލީހަށް ޖަވާބުދާރީ ވާން ޖެހޭނެއެވެ. (ށ) ޤާނޫނު އަސާސީގައިވާ ގޮތުގެ މަތިން ރައްޔިތުންގެ މަޖިލީހުގެ ޖަލްސާތަކުގައި ބޮޑުވަޒީރާއި ވަޒީރުންނާ ސުވާލުކުރެވިދާނެއެވެ.
މީގައި މިއޮތްގޮތުން ބަރުލަމާނީ ނިޒާމުގައި ރައްޔިތުންގެ މަޖިލީހުގެ ޖަލްސާތަކުގައި ވަޒީރުންނާއި ސުވާލުކުރެވޭނެއެވެ. ޒިންމާދާރު ނަތީޖާ ނެރެވޭ، ރައްޔިތުންނަށް ހެޔޮލަފާ ވެރިކަމެއް ހިންގުމަށްޓަކައި ވެރިކަމުގައި އޮންނަ ޕާޓީއަކާއި ސުވާލުކުރެވުމަކީ ވަރަށް ބޭނުންވެރި ކަމެކެވެ. ރައްޔިތުންގެ މަޖިލީހުގައި ވަޒީރުންނާއި ސުވާލުނުކުރެވުމަކީ އިންޓަނޭޝަނަލް ބެސްޓް ޕްރެކްޓިސް އާއި ގުޑް ގަވަނަންސްގެ އުސޫލުތަކާއި ކަނޑައެޅިގެން ޚިލާފް ކަމެކެވެ. ޓްރާސްޕޭރެންޓް، ވާނުވާ ރައްޔިތުންނަށް އެގޭ ވެރިކަމެއް ޤާއިމް ވާން މިއަންނަނީ ވެރިކަމުގައި ތިބޭ މީހުންނާއި ސުވާލުކޮށް ޒިންމާދާރު ކުރުވައިގެންނެވެ.
މިއީ ދިވެހި ރައްޔިތުން އަދި ކޮންމެ ޕާޓީއަކަށް ވިޔަސް، ވަރަށް ފުންކޮށް ވިސްނަންޖެހޭ ކަމެކެވެ. ވިސްވަނާށެވެ. އަޅުގަނޑުމެންގެ ކުރިމަތީގައި މާގިނަ އޮޕްޝަންތަކެއް ނެތެވެ. މިސާލަކަށް ރިޔާސީ ނިޒާމެއްގައި އެމްޑީޕީއަށް ވެރިކަން ލިބިއްޖެނަމަ އެމްޑީޕީގެ ވަޒީރުންނާއި ރައްޔިތުންގެ މަޖިލީހުގައި ސުވާލު ނުކުރެވުން އެއީ އެހެނިހެން ޕާޓީ ތަކުގެ ރައްޔިތުން ރުހޭ ކަމެއްތޯއެވެ؟ އަދި ޑީއާރުޕީއަށް ވެރިކަން ލިބިއްޖެނަމަ ޑީއާރުޕީގެ ވަޒީރުންނާއި ރައްޔިތުންގެ މަޖިލީހުގައި ސުވާލުނުކުރެވުން އެއީ އެމްޑީޕީގެ އެއްވެސް މެންބަރަކު ރުހޭ ކަމެއްތޯއެވެ؟
އަދި އއ.ރަސްދޫ ބަނދަރު ނުހެދި ދިގުލުމާއި، ބައެއް ރަށްރަށުގައި ބިންހިއްކާފައި ހިލޭ ނުދީ ބިން ވިއްކުމާއި، ތ.ވޭމަންޑޫ ބަނދަރު ހެދިފައި ނުވުމާއި، ހދ.ކުނބުރުދޫ ރައްޔިތުން ހދ.ނޮޅިވަރަންފަރަށް ބަދަލުވުމުގެ ހުށަހެޅުމަށް އަލިމަގެއް ނުފެނުމާއި، މާލޭގައި އެމްޑަބްލިޔުއެސްސީ އިން ފެނުގެ ވިޔަފާރިން މިލިއަނުން ފައިދާ ނަގަމުން ދިޔުމާއި، ހއ.އުތީމު ބަނދަރުގެ މަސައްކަތް ނުނިމުމާއި، ހއ.ހޯރަފުށި އަދި ހއ.އިހަވަންދޫ އެއްގަމު ތޮށި މަރާމަތު ނުކުރެވުމާއި، ހއ.ތުރާކުނު އެއްގަމު އަރާފައިބަނެ ބަނދަރަކާއި ފާލަމެއް ޤާއިމްކޮށްނުދިނުމާއި، ތ.ތިމަރަފުށީގެ ބިންހިއްކުމުގެ މަޝްރޫއު ނުފެށި ލަސްވުމާއި، ކ.ކާށިދޫގައި ޓޫރިސްޓު ހޮޓަލެއް ސަރުކާރުން ނޭޅުމާއި، މިފަދަ ރައްޔިތުންނާއި ގުޅޭ އެތައްކަމަކާ ބެހޭ ގޮތުން ރައްޔިތުންގެ މަޖިލީހުގައި ވަޒީރުންނާއި ސުވާލުކޮށް ރައްޔިތުންގެ ކަންކަމާ ސަރުކާރުން އަޅާނުލާ މިންވަރު، ނިކަމެތި ރަށްފުށުގެ ރައްޔިތުން ބާކީކޮށްފައިވާ މިންވަރު ރައްޔިތުންނަށް ހާމަވެގެން ގޮސްފައިވެއެވެ. އަދި މިފަދައން ސުވާލުކުރެވުމުން ބައެއްކަންކަން ސަރުކާރުން ފުއްދާދިނުމަށް މަޖުބޫރުވެފައިވެސް އެބަ ހުއްޓެވެ. ކަންމިހެން އޮތްއިރު، ރައްޔިތުންގެ މަޖިލީހުގައި ވަޒީރުންނާއި ސުވާލުކުރުމުގެ ފުރުސަތު ބަންދުކުރަން އެއްވެސް ރައްޔިތަކު ބޭނުންތޯއެވެ؟
ޕާޓީ ހައިސިއްޔަތު އޮތްތާކު ބާއްވާފައި، ދިވެހި ޤައުމާމެދު ފުންކޮށް ވިސްނާލަބަލާށެވެ. ވެރިއަކަށާއި އޭނާގެ ކެބިނެޓަށް މިޤައުމު ހިތަކަށް ދޫކޮށްލާނީތޯއެވެ؟ ރިޔާސީ ނިޒާމަށް ދެވޭ ވޯޓަކީ ކަނޑައެޅިގެން ރައްޔިތުންގެ މަޖިލީހުގައި މިހާރު ވަޒީރުންނާއި ސުވާލުކުރަމުންދާދިއުން ހުއްޓުވާލަން ނުވަތަ އެފުރުސަތު ބަންދުކުރަން ދެވޭ އާނބަހެކެވެ
.
.އަދިވެސް އެއްފަހަރު ވިދާޅުވާށެވެ. 25 ޖޫން 2007ގައި އޮތް ރައްޔިތުންގެ ޚާއްސަ މަޖިލީހުގެ 155 ވަނަ ޖަލްސާގައި ފާސްކުރައްވާފައިވާ ރިޔާސީ ނިޒާމާ ބެހޭ މަޢުލޫމާތު ކަރުދާހުގެ 9 ވަނަ ޕޮއިންޓް ވަރަށް ފަރުވާތެރިކަމާއެކު ވިދާޅުވާށެވެ. 9-ވަޒީރުން ޖަވާބުދާރީވާނީ ‘ހަމައެކަނި’ރައީސުލްޖުމްހޫރިއްޔާއަށެވެ. މީގެ އިތުރުން، އެވަޒީރަކު ޙަވާލުވެ ހުންނަ ވުޒާރާއާގުޅޭ ރައްޔިތުންގެ މަޖިލީހުގެ ކޮމެޓީއަކަށް، އެ ކޮމެޓީގެ ރަސްމީ ޖަލްސާއެއްގައި ވަޒީރުންނާއި ސުވާލުކުރުމުގެ އިޚްތިޔާރު ކޮމެޓީއަށް ލިބިގެންވެއެވެ. ދެން ބަރުލަމާނީ ނިޒާމާ ބެހޭ މަޢުލޫމާތު ކަރުދާހުގެ 14 ވަނަ ޕޮއިންޓް ވަރަށް ފަރުވާތެރިކަމާއެކު ވިދާޅުވާށެވެ. 14- (ހ) ބޮޑުވަޒީރާއި ވަޒީރުން ރައްޔިތުންގެ މަޖިލީހަށް ޖަވާބުދާރީ ވާން ޖެހޭނެއެވެ. (ށ) ޤާނޫނު އަސާސީގައިވާ ގޮތުގެ މަތިން ރައްޔިތުންގެ މަޖިލީހުގެ ޖަލްސާތަކުގައި ބޮޑުވަޒީރާއި ވަޒީރުންނާ ސުވާލުކުރެވިދާނެއެވެ.
ކުރިމަތީގައި މިއޮތް ސުވާލަކީ ވަޒީރުން ރައްޔިތުންގެ މަޖިލީހަށް ޖަވާބުދާރީވާން ފެނޭތޯ ނުވަތަ ނުފެނޭތޯއެވެ؟ ރިޔާސީ ނިޒާމުގައި ރައްޔިތުންގެ މަޖިލީހުގައި ވަޒީރުންނާއި ސުވާލު ނުކުރެވޭނެއެވެ. ބަރުލަމާނީ ނިޒާމުގައި ވަޒީރުން ރައްޔިތުންގެ މަޖިލީހަށް ޖަވާބުދާރީވާން ޖެހޭނެއެވެ. ވުމާއެކު، ރައްޔިތުންނަށް ޖަވާބުދާރީވާ، ޒިންމާދާރު ވެރިކަމެއް ޤާއިމް ކުރުމަށްޓަކައި ބަރުލަމާނީ ނިޒާމަށް ވޯޓު ދިނުމަކީ އަޅުގަންޑުމެނާއި އަޅުގަނޑުމެންގެ ދަރިންގެ ދަރިންނަށްޓަކައިވެވޭ އަގުނުކުރެވޭ ޤުރުބާނީއެކެވެ
8 comments:
My dear Moosa, you are a young chap and you are talking too big. You are kindly advised to take care of yourself. luv - Aminath
kalow moosa anwar. kaley zuvaanunney kiyaafa vaahaka dhakkaairu zuvaanunge visnun hoadhee kongothakah baa? vaki meehaku dheke anna rulhi ehga zuvaanun thaaeedhu kuranee Barulamaany nizaamekey kiyaa anga hulhuvaa iru ladheh nuganey dho. rangalhah dhas kurey. kaley adhi v kuda.
Aminath adhi KAAKU . . nangan'nan thoa vaahakaeh, Alhugan'ndumen Kokko thikahala BODUVAAHAKA DHAHKAN ADHI MAALHA nuvatha '' ZUVAANUNGE VISNUN HOADHEE KIHINE? '' misuvaalukurunves buhdhiverieh noon. sababakee hithuge adin visna bala keevegen kan thigothah thivaahaka dhakanee '' BIRU '' ehen noon thoa ? aadhe dheravaane aa ekey bunan ehen noon thoa ? massalaeh neiy e ee insaanakah vee thee ekanvaaneves goiy ingey thoa. alhugan'dumen insaanun levve vee en'me Dhuniyeyge khaleefaainge gothugai duniye aabaadhu kurumugaiyyai dhuniye fasaadha kuraameehung balikashi kurumah ehen noon thoa ? ekamaku mihaaru alhugandumenge dharajayakee ekkkala dhuniye fasaadha kuraameehunge nulafaakamun emeehunge biruverikamuge dhraja feni ALHUVETHI VUN . naa Allah gandhee huvaa kuran , MOOSA thikurahvaa masahkathaigen kuriyah dhiumugai bireh neiy adhi Aminath aai Kaaku ves hageegathugai hun'navaanee MOOSA ge kolhugai ekamaku mihaaru ebeyfuLhun eliyefai vaa liunkolhakee MOOSA ge mahcha athuvedhaane balaa akah takaa BIRUN liyefaivaa liunkolhe. MOOSA saabithukan'mathee kuriyah dhiumah govaalan. kaamiyaabu vumugai dhigu raas thaaeh nuvaahen mihaaruves heevaakahal.Moosa yah ujaala musthagubaleh dhevvashi adhi gaumuge mahcha shaai aharumen alhuvethi kohgen miulhey baiga'nduge ahdhashun aharumen salaamah kuravvashi AAMEEN = havaRU=
I think Moosa has the freedom to make a choice n talk about the system he likes.
Zoom n Kaaku should understand that. If they don't agree with Moosa n think Presidential system is better, they should give reasons like Moosa has done through his articles rather than try to tell him he's too young...
Peace Out.
ތިބޭފުޅުންގެ ކޮމެންޓްތަކަށް ޝުކުރު އަދާކުރަން.
ޖުމްލަ ގޮތެއްގަ ހުރިހާ ކޮމެންޓެއްވެސް ބަލައިގަންނަން، ދަންނަވަން އޮތް ވާހަކައަކީ، އަޅުގަނޑަކީ ހަމަ ވޯޓުލުމުގެ ޝަރުތު ހަމަވާ ޒުވާނެއް، ދެން މިއީ ހަމަ އަޅުގަނޑުގެ ޚިޔާލު، ޙިޔާލުފާޅު ކުރުމުގެ މިނިވަންކަމަކީ ޤާނޫނު އަސާސީއިން ވަރަށް ސާފުކޮށް ގަރަންޓީ ކޮށްފީފައިވާ ހައްޤެއް، އެހެންވީ އެހައްޤުގެ ލިބިގަންނާކަށް އަޅުގަނޑު ފަހަކަށް ނުޖެހޭނަން، ބަރުލަމާނީ ނިޒާމަށް ތާއީދު މިކުރަނީކީ ވަކި މީހަކުދެކެ ރުޅިއައިސް ގެނެއްނޫން، އަޅުގަނޑަށް ވިސްނޭ ގޮތުގައި މިރާއްޖެއަށް އެކަށީގެން ވަނީ ބަރުލަމާނީ ނިޒާމެއް. ދެން ހަމަ ބަހުޘް ކުރެވިދާނެ ދެއްތޯ!.
އަޅުގަނޑުގެ އިޚްލާސްތެރި އިލްތިމާސަކީ ކޮންމެ ބޭފުޅަކުވެސް ވާނުވާ އެގިގެން ތިބެ ބަރުލަމާނީ ނިޒާމަށް ވޯޓު ދެއްވާށޭ.
hey moosa .. gud work man .. keep posting :d may GOD bless U :D
barulamaanee nizaaam ah vote dheyn thayyaarah mithibee.. hhehe
moosa ah saabas dheefin. anehkaa moosa akeee mi zuvaan jeeluge sappe' baa ey hithah eba araa.. thi kuraa hiy varah adhives eh faharu sabaas.
barulamaanee nizaam - zuvaanunge nizaam
Hello Moosa,
Taking bits and pieces of both systems may only help but mislead the public when considering the 2 systems as a whole. If you are very sincere about the whole issue, please be kind enough to do a comparison of both systems with their pros and cons as their are many who still are mixed with confusions about the whole thing.
Post a Comment